Një Udhëtim 10-ditor i Kulturës, Historisë dhe Bukurive Natyrore
10 Ditë / 9 Netë – Shqipëri, Mali i Zi, Kosovë dhe Maqedoni e Veriut
Dita 1 | Tiranë – Krujë – Shkodër
Pas mbërritjes në Tiranë dhe takimit me guidën, nisemi drejt Krujës për të vizituar qytetin historik, Kalane dhe Muzeun e Skënderbeut, si dhe pazarin karakteristik. Dreka shijohet me gatime tradicionale. Më pas vijojmë drejt Shkodrës, një qytet i lashtë me histori, kulturë dhe burime natyrore. Check-in dhe kohë e lirë për të pushuar.
Akomodimi: Shkodër
Dita 2 | Shkodër
Eksplorimi i Shkodrës fillon me vizitën e Kalasë së Shkodrës, që ofron pamje madhështore mbi qytet dhe liqen. Vazhdon me një shëtitje me varkë në Liqenin e Shkodrës, më të madhin në Ballkan. Dreka shijohet buzë liqenit me gatime tradicionale. Pasdite vizitojmë Shtëpinë-Muze Oso Kukës, Katedralen e Shën Shtjefnit dhe Muzeun e Fotografisë Marubi. Darka është e lirë.
Akomodimi: Shkodër
Dita 3 | Shkodër – Podgoricë – Budva
Nisemi për në Podgoricë për një shëtitje në qendër dhe më pas vazhdojmë drejt Budvës, qytet i njohur si ikona e turizmit të Malit të Zi. Vizitojmë Kalanë veneciane dhe qytetin e vjetër, ndërsa darka shijohet në një restorant buzë detit.
Akomodimi: Budva
Dita 4 | Budva – Pejë – Gjakovë
Pas mëngjesit udhëtojmë për Pejë, qytet i njohur për burimet ujore dhe birrën lokale. Vizitojmë Patriarkanën e Pejës, një nga monumentet më interesante të zonës. Më pas vijojmë drejt Gjakovës.
Darkë dhe akomodim: Gjakovë
Dita 5 | Gjakovë – Prizren
Nga Gjakova nisemi për në Prizren, qytet karakteristik me rrugë dhe shtëpi prej guri. Atje vizitojmë Ura Mesjetare, simboli kryesor i qytetit, si dhe hamamin, pazarin dhe xhamitë e periudhës osmane. Dreka bëhet në një restorant tipik.
Akomodimi: Prizren
Dita 6 | Prizren – Tetovë – Shkup
Nisja nga Prizren me ndalesë për kafe në Tetovë dhe vazhdim drejt Shkupit, kryeqyteti i Maqedonisë së Veriut. Vizitojmë Sheshin Qendror dhe statujat, Shtëpinë-Muze të Nënë Terezës, Çarshinë dhe Muzeun Arkeologjik.
Akomodimi: Shkup
Dita 7 | Shkup – Heraklea – Ohër
Nisemi drejt Herakleas, qytet i themeluar nga Filipi II i Maqedonisë në shekullin IV para Krishtit, si vendbanim strategjik pranë Ohrit. Pas ndalesës në Bitola, vijojmë drejt Ohrit.
Akomodimi: Ohër
Dita 8 | Ohër – Shën Naum – Pogradec
Vizitojmë qytetin e Ohrit, trashëgimi UNESCO, me rrugicat, kishat dhe shëtitoren buzë liqenit, si dhe dyqanet e prodhimit të perleve. Më pas udhëtojmë drejt Manastirit të Shën Naumit, ndërtuar nga Murgu Naum, dhe vijojmë për në Pogradec, qytet i lashtë ku janë zbuluar palafitet 8000-vjeçare.
Akomodimi: Pogradec
Dita 9 | Pogradec – Elbasan – Tiranë
Nisja drejt Elbasanit për vizitë në qendrën e qytetit dhe Kalanë Historike të Elbasanit. Vizitojmë gjithashtu fragmente të Rrugës Egnatia, që lidhte Kostandinopolin me Romën. Dreka tradicionale bëhet në kalanë e qytetit, më pas vazhdojmë për në Tiranë për të vizituar Sheshin Skënderbej dhe atraksionet përreth tij.
Akomodimi: Tiranë
Dita 10 | Tiranë – Mbyllja e turit
Turi përfundon me transferimin në aeroport sipas orarit të fluturimit.
Çmimi
Çmimi dhe përshkrimi i detajuar i këtij turi ndryshojnë në varësi të sezonit dhe nivelit të preferuar të akomodimit. Na kontaktoni për një ofertë të personalizuar.
