Bashkohuni me ne në një udhëtim magjik që lidh historinë, kulturën dhe peizazhet më mahnitëse të Shqipërisë dhe Greqisë. Nga plazhet e kristalta të Sarandës, tek rrugicat me kalldrëm të Gjirokastrës, nga misteri i orakujve të Dodonës tek manastiret madhështore mbi shkëmbinjtë e Meteorës çdo hap është një përvojë që do t’ju mbajë pa frymë.
Zbuloni trashëgimi, shijoni kuzhinën lokale dhe krijoni kujtime të paharrueshme në këtë aventurë të jashtëzakonshme!
Dita 1: Sarandë – Gjirokastër
Dita nis në qytetin e Sarandës, një qytet-port i njohur që nga antikiteti, me histori të pasur. Me buganvilet shumëngjyrëshe, diellin dhe detin e mrekullueshëm, Saranda është gjithmonë një destinacion i preferuar për turistët vendas dhe të huaj gjatë sezonit të verës.
Më pas, udhëtimi vazhdon drejt Gjirokastrës, qytet-muze i mbrojtur nga UNESCO, i vendosur mbi shtatë kodra. Qyteti shquhet për kalanë madhështore, rrugicat karakteristike me kalldrëm dhe shtëpitë-kulla unike.
Eksplorojmë:
- Kalaja e Gjirokastrës
- Banesa Skenduli e shekullit XVII
- Obelisku dhe monumentet historike
- Pazari karakteristik
- Kohë e lirë
Darkë dhe fjetje: Gjirokastër
Dita 2: Gjirokastër – Dodonë – Janinë – Kalabakë
Pas mëngjesit, udhëtimi nis drejt Dodonës, ku vizitojmë qytetin antik dhe Tempullin e Dodonës, një nga orakujt më të rëndësishëm pas atij të Delfit. Pelegrinët i drejtonin lutjet perëndive nën hijen e lisave të shenjtë.
Më pas, udhëtojmë drejt Janinës, qyteti i Ali Pashë Tepelenës.
Eksplorojmë:
- Kalaja e Ali Pashës
- Shëtitje me varkë në Liqenin Pamvotis
- Ishulli piktoresk dhe Muzeu i Ali Pashës
Pas një drekë tradicionale buzë liqenit, udhëtojmë drejt Kalabakës për akomodim.
Dita 3: Kalabakë – Meteora – Prevezë
Dita nis me një përvojë unike në Meteora, trashëgimi botërore e UNESCO-s. Shkëmbinjtë gjigantë, që ngjasojnë me meteorë të rënë nga qielli, dhe mbi ta qendrojne madheshtore manastiret shekullore, disa prej tyre ende aktive.
Eksplorojmë:
- Manastiri i Madh i Meteorës
- Kohë për eksplorim, fotografi, suvenire dhe shijim të peizazhit magjik
Pasdite, udhëtojmë drejt Prevezës, qytet bregdetar me nje shëtitore të gjallë, kafene dhe taverna tradicionale.
Darkë dhe akomodim: Prevezë
Dita 4: Prevezë – Igumenicë – Sarandë
Në ditën e fundit, me kthim nga Preveza ndalojmë në Igumenicë, qytet-port i Jonit, për një pushim dhe një vizitë të shkurtër.
Më pas, udhëtojmë drejt kufirit me Shqipërinë dhe shijojmë një drekë tradicionale në zonën e Mursisë.
Përmbyllje: Kthim në Sarandë me zemrat plot kujtime nga kjo eksperiencë unike historike, kulturore dhe shpirtërore.
Fundi i turit.
Çmimi
Çmimi dhe përshkrimi i detajuar i këtij turi ndryshojnë në varësi të sezonit dhe nivelit të preferuar të akomodimit. Na kontaktoni për një ofertë të personalizuar.
